МОБИЛНОСТ МАКЕДОНИЈА

На ден 25.01.2012 година, по повод роденденот на трагично почината македонска поп ѕвезда Тоше Проески, вонсериски музичар кого го красеше добрина, хуманост, големо срце, и ангелски глас, членовите на Здружението на лица со телесен инвалидитет на Скопје - Мобилност Скопје, имаа можност да го посетат неговото вечно почивалиште и спомен куќата во Крушево.

Многу фанови му оддадоа почит, а меѓу нив дента беа и 100-тина членови на здружението на лица со телесен инвалидитет на град Скопје - Мобилност Скопје кои се вклучија во достоинственото одбележување на 31 - годишнината од неговото раѓање.

Идејата за овој настан е на г. Сашо Николовски, возач во градското такси „Сонце“, и со одобрување од сопственикот на такси компанијата г. Гојчо Стефковски, дојде до реализација на истата. Градското такси Сонце овозможи 25 возила кои сообраќаа Скопје- Крушево-Скопје.

Тргнувањето беше од пред портата Македонија, од каде во колона од 25 возила, 100-тина членови на Мобилност Скопје тргнаа кон Крушево, во посета на спомен куќата на Тоше Проески и неговото вечно почивалиште. Градско такси „Сонце“ со овој хуман гест покажа дека сеуште постојат луге кои со својот пример го следат патот на хуманоста и добротворноста кои во аманет ни го остави нашиот Тоше. За организација на овој хуман и несебичен настан, Мобилност Скопје им изразува голема благодарност на градско такси „Сонце“.

Посебна благодарност им изразуваме на фурна „Специјал“, која даде бесплатна ужина за членовите на Мобилност Скопје, како и до припадниците на Единицата за Специјални Задачи „Тигри“, која ја отстапи дневната маренда на членовите на Мобилност Скопје.

Тргнувањето и целиот настан беше проследен од телевизија „Сонце“, на која изразуваме посебна благодарност. Фондацијата „Тоше Проески“ овозможи бесплатен влез во спомен куќата на Тоше Проески, и за секој член следуваше по едно DVD со последниот концерт на нашата голема ѕвезда Тоше Проески.

Здружението на лица со телесен инвалидитет на град Скопје - Мобилност Скопје однесе постер со ликот на Тоше Проески и положи цвеќе на неговиот вечен дом на Гумење. Градското такси „Сонце“ им подели календари на членовите на Мобилност Скопје.

И покрај лошото време, ни беше чест да учествуваме во достојносто одбележување на денот кога пред 31 година се роди Тоше Проески, и да бидеме сведоци на прекрасната, сепак по малку тажна атмосфера во спомен куќата на Тоше Проески. Уште еднаш изразуваме благодарност на градско такси „Сонце“, без чија иницијатива и соработка немаше да се случи посетата на Крушево.

Здружението на лица со телесен инвалидитет на Скопје Мобилност Скопје ќе се погрижи овој настан стане традиција и секоја година членовите на здружението да имаат можност да му оддадат почит на прерано починатата мега-ѕвезда, нашиот Тоше Проески.