ФЕНИКС 86

Сојузот на телесно инвалидизираните лица на Македонија како дел од своите активности го издава и своето списание ФЕНИКС 86 .Списанието излегува четири пати годишно, а во него се внесени  сите информации во врска со работата на Сојузот, како и неговите членки.Списанието е отворено за соработка не само со членовите на Сојузот  туку и со сите граѓани на нашата држава кои се желни да соработуваат ,односно да испраќаат свои дописи за различни теми  а кои се концепциски дел на нашето списание.

Доколку сакате да соработувате со нас , да не пофалите или критикувате за нешто што мислите дека е добро или лошо во нашето списание пишете  на  адресата или е-маил: stilm@stilm.com.mk

адреса: Дом на хуманитарни организации Даре Џамбаз ул.11 Октомври бр. 42-а Скопје
со назнака за ФЕНИКС 86

Целото списание со неговите статии можете да ги симнете од страната со користење на десното копче од глушецот и избирање на (save target us...) опцијата од менито при што списанието ќе го преземете на вашиот компјутер во ПДФ формат.

Феникс 86 број 66 Јули 2010

Feniks 86 br 66.pdf превземи

Збор на уредникот

После неколку години, драги читатели, јас повторно ја пре-
земам функцијата на главен и одговорен уредник на на-
шето списание. Се надевам дека успешно ќе ја извршувам
својата одговорна задача но се разбира дека тоа не ќе биди возмож-
но без соработка и со другите уредници како и без Вашата ценета
соработка. Во наредниот период особено ќе ми биди мило ако вос-
поставиме една добра соработка со читателите кои воедно ги по-
викувам доколку имаат интересни написи за нашиот весник да ги
испраќаат на мојата интернет адреса: mitkofi@hotmail.com. Јас од
моја страна ветувам дека сите Ваши написи со особено внимание
ќе ги читам и сето она што е интересно и заслужува да се објави
секако дека ќе најде свој простор во Феникс 86.

Сега на една друга тема. Во неделата на ден 24.05.2010
беше светскиот ден на лицата заболени од мултипла склероза. За
овој ден случајно дознав гледајќи ја утринската програма на ХТВ-
1. На таа телевизија имаше програма во живо во која на еден многу
убав начин во студиото во живо се поведе една многу интересна
дискусија за оваа болест, за начините за лекување и третманот
на лицата заболени од оваа болест. Со огледа на тоа дека лицата
заболени од мултипла склероза се и наши членови оваа тема со
големо внимание ја следев и навистина имаше што да се слушни и
да се научи.

Водителката очигледно добро се подготвила за темата и
како гости повикала две лица заболени од таа болест, социјален
работник и лекар специјалист. Според податоците од Светската
здравствена организација за жал оваа болест во последно време
страшно многу напредува и тоа кај многу млади луѓе на возраст до
35 години. Причините за се поголемиот број на пациенти со оваа
болест не се познати како што не е позната ни причината за појавата
на оваа авто имуна болест која доведува до страшни последици кај
луѓето и се разбира многу често и до тежок инвалидитет и слаба
подвижност. Лекувањето на болеста е долготраен процес и се
применуваат комбинирани методи а лекарствата се доста скапи и за
многу пациенти во светот дури и недостапни. Најдобри резултати
се добиваат со примена на традиционалната медицина и познатите
препарати признати од лекарите, бањско лекување и работа во
тимови каде се вклучени и социјални работници и психолози кои
се тука да им помогнат на пациентите заболени од болеста полесно
таа болест да ја прифатат, да научат како да се борат и како да се
соочат со последиците. Од стручните лица беше кажано и тоа
дека не се исклучуваат и методите на алтернативната медицина,
меѓутоа беше нагласено дека не смее да се запостави примањето
на лекарствата и терапиите кои ги препишал лекарот специјалист
и доколку нема штетни последици по здравјето на заболениот
алтернативната медицина може да се практикува.

Во Хрватска лицата заболени од мултипла склероза
формирале свое посебно здружение и на тој начин се обидуваат
организирано да добијат што подобар третман во општеството.
Како најголеми проблеми со кои секојдневно се судруваат се пред
се недостаток на лекарства и тешкиот пристап до современите
методи на лечење и вработувањето. Особен проблем за овие лица
е тоа што доколку биле во работен однос лесно можат да ја загубат
работата или ако не се вработени никој не е спремен да ги прими
на работа без оглед на нивната стручна подготовка а се работи за
релативно млади личности кои до пред да се манифестираат првите
симптоми на болеста биле успешни студенти или работници.
Познавајќи ги многу од нашите членови заболени од оваа
болест низ разговор со нив знаев за повеќето од проблемите со кои
се соочуваат. Со оглед ан тоа дека од дена на ден бројката на овие
членови се зголемува неопходно е и ние самите да им посветиме
поголемо внимание и преку нашиот НСТИЛМ да покренеме акција
за запознавање на населението со оваа болест, за последиците кои
ги предизвикува, за проблемите со кои се судруваат овие лица и за
начините на лекување се со цел да се подигни свеста кај граѓаните
и од државата да се добие подобар третман на овие лица. За почеток
да се избориме барем да се спомени Светскиот дена на лицата
заболени од мултипла склероза. За жал, јас целиот ден упорно ги
посетував сите средства за јавна комуникација и редум ги следев
емисиите на сите национални телевизии и радија но никаде не
се ни спомена овој ден. Затоа е и овој мој напис со кој сакам во
уводникот на весникот да им посветам на овие наши членови
внимание кое секако го заслужуваат а во иднина се надевам дека
за овој ден и во нашата држава ќе се споменат проблемите на овие
лица и ќе се каже дека сепак нешто се работи за подобрување на
нивната положба и намалување на нивните маки.

На крај од овој мој уводник би сакал да кажам и тоа дека
сум воодушевен од третманот на лицата со инвалидност кој им се
дава на Хрватската радио и телевизија. На оваа нивна национална
и државна телевизија има редовно емисии на кои се третираат
проблемите на лицата со инвалидност и стручни лица од многу
области дискутираат на одредени теми се со цел да им се подобри
положбата на лицата со инвалидност. Јас многу одамна се заложував
токму за ова. Отсекогаш бев поборник на идејата за барем еднаш
месечно да имаме термин на државната телевизија МТВ каде ќе
ги излагаме нашите теми и проблеми на сличен начин како тоа
што го прават во Хрватска. Тоа истото можи да се применува и на
локално ниво бидејќи има многу локални телевизии и радија каде
ќе се дискутира за комуналните аспекти на проблемите со кои се
судруваме во секојдневниот живот.

До тоа едно идно поубаво време ни останува во секој
случај да се огласуваме што е можно повеќе на локално ниво во
локалните електронски и пишувани медиуми бидејќи тие како што
покажа праксата се подостапни. На овој начин сепак ќе правиме
подобро да се чувствуваат нашите членови кои најголемите
проблеми ги имаат токму во средините каде што живеат.

Митко Фидановски