ФЕНИКС 86

Сојузот на телесно инвалидизираните лица на Македонија како дел од своите активности го издава и своето списание ФЕНИКС 86 .Списанието излегува четири пати годишно, а во него се внесени  сите информации во врска со работата на Сојузот, како и неговите членки.Списанието е отворено за соработка не само со членовите на Сојузот  туку и со сите граѓани на нашата држава кои се желни да соработуваат ,односно да испраќаат свои дописи за различни теми  а кои се концепциски дел на нашето списание.

Доколку сакате да соработувате со нас , да не пофалите или критикувате за нешто што мислите дека е добро или лошо во нашето списание пишете  на  адресата или е-маил: stilm@stilm.com.mk

адреса: Дом на хуманитарни организации Даре Џамбаз ул.11 Октомври бр. 42-а Скопје
со назнака за ФЕНИКС 86

Целото списание со неговите статии можете да ги симнете од страната со користење на десното копче од глушецот и избирање на (save target us...) опцијата од менито при што списанието ќе го преземете на вашиот компјутер во ПДФ формат.

Феникс 86 број 64 Јануари 2010

Feniks 86 br 64.pdf превземи

Збор на уредникот

Почитувани читатели

       СТИЛМ во изминатата година ги оствари сите планирани про-
грамски активности што се темелеа врз сопствената работа.
Од друга страна, активностите кои се состоеја од иницијати-
ви за остварување на правата на лицата со телесен инвалидитет,
и чија реализација зависеше од државните и други институции
делумно се остварија, а за дел останува да се работи во иднина.
Всушност, прашањето за остварување на правата на лицата со ин-
валидност е процес кој никогаш нема да заврши. Секогаш ќе има
нови идеи и можности за подобрување на положбата на овие лица
во општеството.
Напредок е остварен во правата на лицата со телесен инвалиди-
тет во образованието (ослободување од партиципација), здравство-
то (право на средства за инконтиненција), вработувањето (измени
во Законот за вработување инвалидни лица заради спречување на
кршење на правата), достапноста (нови законски прописи со кои
се обезбедува поефикасна контрола) итн. Со добивањето статус на
инвалидски организации, СТИЛМ и здруженијата обезбедија по-
добра и посигурна положба. СТИЛМ дополнително ја зајакна своја-
та позиција во општеството со добивањето статус на Национална
инвалидска организација.
Она што очекуваме наскоро де се оствари е ратификација на Кон-
венцијата на ОН за правата на лицата со инвалидност, донесување
закон за недискриминација, унапредување на правата на лицата
со инвалидност во сферата на социјалната заштита, на даночните
и царинските прописи и некои други прашања за кои СТИЛМ има
сопствени активности и иницијативи.
Инаку, во овој број од весников посебно внимание посветуваме
на одбележувањето на „3 Декември” – Меѓународен ден на лицата
со инвалидност –и на „4 Декември” – Ден на лицата со телесен инва-
лидитет во Република Македонија. Тоа се денови кога и поширока-
та јавност позасилено се занимава со прашањата на правата на ли-
цата со инвалидност. Токму на тие денови се искажува дека грижата
за правата на овие лица треба да биде во фокусот на државните и
други институции и на пошироката јавност во текот на целата го-
дина, а не само еден или два дена. Исто така, се истакнува дека за
правата на овие лица треба да се разговара и да се донесуваат од-
лукисо учество на претставници од нивните организации. Сметаме
дека токму на овој план нема доволно изградена свест и утврдени
правила кои ќе оневозможат да се повторуваат случаи кога овие
лица во организациите дознаваат за одлука што ги засега нивните
интереси дури откако таа ќе биде објавена во „Службен весник“.
Инаку, централна тема под која се одбележува „3 Декември” во
Обединетите нации е „Правење на милениумските развојни цели за
инклузивни: оспособување на лицата со инвалидност и нивните за-
едници во светот”. Целта е да се промовира спреченоста како пра-
шање на правата на лицата со инвалидности, да се обезбеди нивна
интеграција во секој аспект на политичкиот, социјалниот, економ-
скиот и културниот живот во нивните заедници, односно нивно
целосно и еднакво уживање на човековите права.
Ние „4 Декември” го одбележавме под слоганот: Сплотени, досто-
инствени, силни”. Пораката е дека обединети и организирани има-
ме сила да се избориме за нашата позиција во општеството како ед-
накви со другите. Тоа го правиме достоинствено, како наше право и
обврска на општеството кон нас. Инаку, целта на одбележувањето
на овој ден е да се промовираат правата на лицата со телесен инва-
лидитет за нивна целосна интеграција во социјалниот, економски-
от, културниот и политичкиот живот на заедницата.
Новата 2010 година ја пречекуваме со надеж дека, по завршу-
вањето на светската економска криза, во нашава држава ќе се
подобрат економските состојби, а со тоа ќе се создадат можности
за подигање на нивото на социјалните и други права на лицата со
инвалидност. Конечно, очекуваме и ратификација на Конвенцијата
на ОН за правата на лицата со инвалидност и почеток на нејзината
имплементација, што сигурно ќе значи забрзување на процесот за
создавање еднакви можности на овие лица во општеството. Очеку-
ваме и да се донесе законот за заштита од дискриминација.

Почитувани читатели,
Овој уводник на весников ќе го завршам со по којзнае кој пат
повторениот повик до сите Вас да соработувате во создавањето на
ова наше гласило со свои прилози. Пишувајте за сe она што сметате
дека ќе ги интересира нашите читатели, или ќе значи придонес во
нашата работа. Определба на Уредувачкиот подбор е весников да
е отворен за секој, во неговото создавање да учествуваат што по-
голем број автори . Тоа ќе придонесе за разновидна содржина на
весников во темите, мислењата и ставовите.
Среќна Нова 2010 година.

 Миодраг Игњатовиќ