НАЦИОНАЛЕН СОЈУЗ НА ЛИЦА СО ТЕЛЕСЕН ИНВАЛИДИТЕТ НА МАКЕДОНИЈА
 |
 |
Информации за општинските
|
 |
Наши реализирани и планирани активности
|
 |
Прочитајте го гласилото на
нашата организација
|
 |
Разни документи кои
се однесуваат на нашите членови
|
 |
Информации како да стапите во
контакт со нас
|
ТВ СПОТОВИ
Активности
- Детали
-
Категорија: Активности
Мобилност Македонија на 01.12.2022 година, како дел од активностите за одбележување на 3. Декември - Меѓународниот ден на лицата со инвалидност, во Порта Македонија ја отвори Изложбата на уметнички дела од 11. Ликовна колонија 2022.Во присуство на голем број на членови на Мобилност Македонија од повеќе здружени членки, ликовни уметници кои учествуваа на колонијата, како и други љубители на уметноста, изложбата за отворена ја прогласи заменикот министер за труд и социјална политика, Енвер Хусејин.
Хусејин на почетокот од своето обраќање се заблагодари за можноста да ја отвори изложбата која е организирана по повод 3 декември Меѓународниот ден на лицата со попреченост и истакна дека овој ден е од особена важност за Министерството за труд и социјална политика.
„Развојот на новата Национална стратегија за правата на лицата со попреченост 2023 – 2030 е веќе во завршна фаза. Таа се развива согласно обврските и начелата преземени со Конвенцијата за правата на лицата со попреченост и комплементарна со Европската стратегија за правата на лицата со попреченост, врз основа на податоци и анализи направени за моменталната состојба со почитувањето и остварувањето на правата на лицата со попреченост. „Ништо за нас, без нас“ гласи мотото на Конвенцијата за правата на лицата со попреченост. Врз основа на ова мото јавните политики ќе бидат креирани и спроведени со активно учество на лицата со попреченост“ рече Заменик Министерот.
Тој истакна дека особено е важно што се менува перцепцијата што општеството ја има за лицата со попреченост. Посочи дека се напушта стариот модел на гледање на попреченоста и дека истиот е заменет со немедицинското гледање кое ги поттикнува јаките страни и способности на децата и лицата со попреченост.
Повеќе: ИЗЛОЖБА НА УМЕТНИЧКИ ДЕЛА ОД 11. ЛИКОВНАТА КОЛОНИЈА 2022 ГОДИНА
- Детали
-
Категорија: Активности
На 29.10.2022 година, во Струмица, во организација на Здружението на лица со телесен инвалидитет на Струмица - Мобилност Струмица, а со финансиска поддршка на Националниот сојуз на лица со телесен инвалидитет на Македонија – Мобилност Македонија, се одржа 23-то издание на манифестацијата „Тортијада“, на која се натпреваруваа лица со телесен инвалидитет од 10 здружени членки на сојузот и тоа: Скопје, Куманово, Велес, Битола, Кавадарци, Радовиш, Гевгелија, Штип, Кочани и Струмица.Целта на ова манифестација е инклузија на лицата со телесен инвалидитет преку истакнување на сопствените креативни способности, во една натпеварувачка атмосфера и во присуство на лица кои не се соочуваат со инвалидитет, дружење, размена на искуства и рушење на парадигмата дека лицата со инвалидност се болни и неспособни. Токму врвните креации од нашите членови го докажуваат спротивното.
Екипите кои беа пријавени за учество на манифестацијата „Тортијада 2022“ беа составени од по двајца членови, а според пропозициите донесените готови теста (пандишпани) требаше да ги украсат со рачно изработени украси. Декорирањето и изработката на украсите цело време беше следено од жири комисија составена од членките на здружението Вешта жена од Струмица.
Повеќе: 23-та ТОРТИЈАДА ВО СТРУМИЦА
- Детали
-
Категорија: Активности
Од 01-07.10.2022 година, во Охрид, во организација на Националниот сојуз на лица со телесен инвалидитет на Македонија - Мобилност Македонија, се одржува единаесеттата меѓународна ликовна колонија на која учествуваат 16 ликовни уметници од нашата држава и регионот и тоа: Роза Мојсовска, Проф. Зоран Јакимовски, Петар Попчев, Живко Пренџов, Стојче Тоциновски, Емилија Тоциновска, Далибор Јовановски, Стефан Јакимовски, Богоја Мојсовски, Виданка Мојсовска, Славко Упевче и Мики Трендафиловски, од Република Северна Македонија, Клара Касаш Томиќ, Станислава Летиќ и Јасмина Мина од Република Србија и Пламен Втчев од Република Бугарија.
- Детали
-
Категорија: Активности
На 01.10.2022 година, во Бања Лука, се одржа 14. Меѓународен шаховски турнир „Бања Лука 2022“, во организација на Сојуз на параплегичари и заболени од детска парализа и останати телесни инвалиди на Република Српска, на кој учествуваа 6 екипи од: Словенија, Србија Босна и Херцеговина и Северна Македонија.Мобилност Македонија на овој меѓународен настан ја претставуваа првопласираните тројца шахисти од одржаното државно првенство: Насер Мустафа од Тетово, Даниел Нуневски од Охрид и Горан Војновски од Кочани.
Првото место на турнирот го освои екипата на Бања Лука, на второто место се пласира екипата на Мобилност Македонија, додека на третото место се пласира екипата на Тител од Нови Сад.
Честитки до нашите шахисти за освоеното второ место.
Повеќе: 14. МЕЃУНАРОДЕН ШАХОВСКИ ТУРНИР „БАЊА ЛУКА 2022“
- Детали
-
Категорија: Активности
Од 06-09.09.2022 година, екипата на Мобилност Македонија во состав: Елена Давитковска, Гоце Миновски, Зоран Јовановски и Златко Арсовски, учествуваа на јубилејните 30. Републички спортски игри на Сојузот на параплегичари и квадриплегичари на Србија (СПИКС), што годинава се одржаа во Врњачка Бања.Нашите спортисти традиционално освојуваат медали и бележат убави резултати на овие игри. Така беше и годинава.
Најуспешен спортист беше Гоце Миновски кој во класа Ф53 освои: прво место во фрлање ѓуле со резултат од 4,40 метри, второ место во фрлање копје со резултат 9,28 метри и второ место во фрлање диск со резултат 11,20 метри.
Зоран Јовановски во класа Ф55 освои: прво место во фрлање ѓуле со резултат од 5,28 метри, второ место во фрлање диск со резултат 14,90 метри и четврто место во фрлање копје со резултат 10,74 метри.
Повеќе: МОБИЛНОСТ МАКЕДОНИЈА НА 30. РЕПУБЛИЧКИ СПОРТСКИ ИГРИ НА СПИКС